Su mari de Sardigna

Su mari de Sardigna
est una cosa meravilliosa.
Su mari de Sardigna
est smeraldinu
e craru
cun is coloris de su fundu
chi faint umbra a ddus biri de innoi.
Is piscixeddus chi nadant
nci atziant a pillu de s’aqua,
satendi de una parti a s’atra.
Su mari de Sardigna
est aricu de medas coloris
comenti unu arcobalenu
cun asuta su soli.
Su mari de Sardigna
mi tocat su sentidu!

Alessia Pau
 

Cosa de apretziai

Su celu asulu, su soli grogu e lucenti, medas coloris
si faint apretziai su mundu.
Fragu de froris, arrosas, tulipanus e margheritas
si callentant su coru.
Aintru de issu, millis catenas allogant medas sentidus,
pagus fueddus
po di nài
ca ses cosa de apretziai.

Asia Pitzanti

Aiaiu, ti ollu beni

A bortas, mi domandu poita ti ndi ses andau diaici, chene perunu motivu.
Fìast sanendi, ma calincuna cosa est sussidia e…su cincu de Austu no nci fìast prus.
Tui po mei no fìast sceti un aiaiu.
Tui fìast s’omini chi tzerriàmmu babu e,
passau su cincu de Austu,
no apu conotu calincunu mellu de tui.
Sa di de s’interru
nc’ia bofiu essi deu asut’ ‘e terra,
de cantu fìat sùnfrendi.
Aiaiu, babu: su nomini est su propriu.
Ma su mellus est su tuu.
Mi fait prexeri sceti a sciri ca,
donia borta chi passu in campusantu a t’agatai,
is froris prus bellus fùnt po tui.u
Ti bàsu, mancai de a i largu.

Asja Haver

Sa vida

Sa vida est comenti a una cipudda,
dda tocas
e ti fait prangiri meda.
Ma nos,
ita podeus fai?
“Nudda”, narat s’indolenti.
Totus
narant chi sa vida
dda bolint bivi intensamenti.

Chiara Picciau

Su Gennargentu

Apitzu de su Gennargentu nìau
is muvrònis fùnt appirrocciaus.
Su grisi mot’ ‘e frìus
bìt s’acua chi ndi càlat de is follas stiddiendi
e bùfat.
Su sirboni, bagamundu, circat arrexinis de papai
scorrovonendi cun su bruncu.
Su pastori
àndat a fatu ‘e su beniamini
e ddu sìghit su cani suu
mòvendi sa còa.

Emanuele Cuncu

 

Is coloris de su coru

S’arrubiu est su coru
su viola est su sentidu chi portas aintr’ ‘e su coru
s’arancioni est su brexu chi donas a is personas
su giallu est su soli chi illuminat su coru
su rosa est su beni chi fais
su celesti funti s làmbrigas
su blu est su dolori
su birdi est s’erba chi, candu crescit, amaniaus nosu puru
su grigiu est sa tristura
su nieddu est sa moti
su bìancu est s’amori chi is personas t’ant donau.

Francesca Siddi

 

Su messaiu e sa cometa

Una di unu messaiu fiat torrau a domu chentz’ ‘e nudda ‘e papai e intzandus iat nau: “ E imoi comenti feus?
A pagu a pagu is bestias no ant a agatai cos’ ‘e papai, fruta o bridura chi siat”.
Intzandus si fiat postu a castiai su celu e iat biu una cometa, una istedda arruendi-ndi e iat nau:
“ Pregu a tui, istedda chi ndi ses arruendi de su celu, donami a papai!”.
Sa di dopu su messaiu iat agatau unu sciacu mannu de pisci, de bordura, de petza,
e unu sciacu mannu de dinai puru po ai bèndiu sa metàdi de su malloppu!.
E diaici, s’istedda chi ndi fiat arruendi, iat agiudau a custu messaiu.
D’iat agiudau ancora po meda, meda tempus…

Gabriele Caleb Sedda

Mama, tui po mei ses totu

Tui ses una mama, un’amiga, una persona meravilliosa.
Tui,
chi m’as pesau a sola.
Tui ses importanti meda po mei,
mi còntas ca babu puru mi castiàt
mah, deu no mi nd’ arregordu…
Scìu sceti ca
imoi
osaterus seis foras de pari e ca,
fendi custu,
issu est foras de pari fintzas cun mei e fradi miu.
Tui, perou,
nc’arrennescis a tupai is stampus chi mi bessint in su coru.
Ti ollu unu beni mannu.
Tui,
mama mia druci e sempri alligra,
cun sa bellesa de un’ istedda.

Gaia Sanna

Custu seu deu

Deu seu Jacu,
Mi praxit a baddai, cantai e seu unu piciocheddu sensibili.
No tengu fradis e in domu no chistionu meda.
Candu ndi torru de iscola e seu fadiàu
intzandus no mi ndi essit unu fueddu
ma seu cuntentu de essi a solu
poita is giòghitus, is bàsidus de mama e de babu…
funt po mei sceti!

Giacomo Cocco

Su celu de sa Sardigna

Su celu de sa Sardigna est unu celu mannu:
is nuis pigant sa froma de is pensamentus mius
e is pillonis bolant in mesu a issas e ddas murigant.
Parint is fueddus chi nci funt scritus in mes’ ‘e su coru.
Est po cussu chi ndi tengu brexiu de essi sarda…

Giada Pisano

S’inquinamentu

A imbrutai s’ambienti est una cosa legia poita is matas morint e no est una bella cosa: is matas nci donant s’ossigenu chi si serbit po poi bivi.
Un’atra cosa cosa chi no andat beni est a ndi segai is matas po fai logus de bendi cosas e po fai fabricas.
Tocat a dd’arrespetai s’ambienti!

Gianluigi Nioi

Ses bella

Ses bella comenti unu soli,
ses bella comenti unu stori,
comenti unu pilloni chi bolat in su celu asulu.
M’as fatu prangi ma ti predonu,
ti predonu cun totu su coru.
Ti ollu unu beni mannu,
mannu comenti su mundu.

Giuseppe Palla

A pusti prangiu in hierru

Erba bridi
trumentada de su bentu,
stiddius de acua
in is bias prenas de arena,
fragu de pani e de murta de su satu,
su callenti de su fogu
de apalas ‘e is fentanas.

Lorenzo Ursache

S’inquinamentu de s’ambìenti

Medas matas morint po crupa de s’inquinamentu de s’ambìenti.
Medas ominis no cumprendint ca a biri is campus prenus de froris est una de is cosas prus bellas de su mundu.
Chi invecias is ominis arrespetant s’ambienti, su mundu e sa vida ant’a essi prus bellus.
Su disigiu miu est a biri matas e froris de su mengianu a su meri e no ominis chi seganti is padentis o ddus abruxiant.

Luca Serafini Lauri

Aintu de s’annu

S’atongiu
s’arregordat de su frag’ ‘e sa castangia e de is passilladas a monti,
de su letu innui si callentaus,
de sa binnenna cun s’axina e su binu.

S’hierru
fràgat de drùcis,
s’arregordat de is giògus in sa nii
chi si scallant candu arribat su soli.

Su beranu
est su tempus de is fròris pintàus
ma totu ‘n dd’unu ca fait soli, si ponit a pròi.

S’istàdi
est su tempus de su gellau,
de su mari
e de is diis passadas in s’arena a giogai.

Marco Figus

Su coru de sa Sardigna

Su coru de sa Sardigna
est unu coru mannu
innui agataus meda genti.
No ia bolli bivi in nisciunu atru logu de su mundu
poita ca sa Sardigna nostra est bella e meravilliosa che su soli!
Ti ollu beni, Sardigna,
comenti chi fessis una sorri…

Maria Marcella Serra

Ti ollu beni

Ses s’amiga mia de su coru,
su tempu mellus d’apu passau cun tui.
Deu pregu chi tui mi ollasta beni cantu deu ndi ollu a tui.
Pregu de tenni is spalas tuas
po prangi candu ap’ a stai mali
e po ti biri arriendi
candu eus a essi prexiadas.
Seu amiga tua
e t’ap’ a torrai totu custu.
Ti ddu depu,
mancai no scìu chi nc’ ap’ a arrenesci
e po cussu
scusami.

Martina Fozzi

Is notis de donniassantu

Is notis de su mes’ ‘e donniassantu
parint prus nieddas de is atras.
Is lampionis, gratzias a Deus,
fait luxi apitzu ‘e donnia cosa.
A de di, invecias, nci pentzat su soli
a basai donnia cosa.

Mattia Cocco

Su mari puru

Su mari puru tenit is arrondinis,
tenit is satus meravilliosus de arrosa
e unu muntoni de nuvolas comenti a brebeis.

Paolo Jlassi

Mi praxit sa Sardigna

Seu beniu de Senegal a sa Sardigna
impari a totu sa famillia,
po imparai s’italianu
e fintzas a chistionai su sardu.
Ollu studiai
e unu crasi traballai.
Mi praxit fintzas a giogai a bòcia
e pregu de fai meda dinài
e sa genti mia agiudài.

Pape Mbengue

Su giardinu

Prima de oi deu no tenemu unu giardinu ma imoi ddu tengu e depu nai ca ddu-i-tengu medas bestias puru: paddas malandrinas, otu anadis chi andant in mesu a is perdas, crabitas piticheddas e bellixeddas e tengu fintzas duus canis e cuatru gattixeddus.
Candu no potemu deu, aiaia mia ddis donat a papai.
Mi iat a praxi a tenni procus puru, ca funt cùriosus ma po imoi mi depu acuntentai de intendi donia mengianu, candu mi ndi pesu de su letu, su caboniscu cantendi.
Seu meda prexiau poita candu andu in su giardinu po agatai custas bestieddas, mi spassiu.

Pierluigi Mancosu

Chini seu deu?

Deu seu Riccardu
unu piciocheddu sardu.
Portu is orechinus
mancai no sia una femina
e portu is ogus bridis
comenti a s’erba.
A mei mi praxit s’hip hop,
scìu giogai a computer
ma no tengu s’I Pod.
Tengu unu fradi chi ddi nant Matteo,
eccu…custu seu deu!

Riccardo Salisci

Beranu

Su beranu est prenu de froris pintàus
de colori birdi, asulu, grogu;
nci funt medas bestias e satus meravilliosus.
A palas de una mata manna manna
biu unu conilleddu bìancu chi pàpat
e, a giru a giru, mariposas chi bòlant.
In pitzu de su monti nci funt crabitas chi apirrociant
e, de a i largu, si bìnt is arrundinis chi fàint medas girus in su celu.
In is ortus is pipius cùrrint e si spassiant gioghendi:
su beranu est su tempus mellus diaderus
e dd’ia bolli diaici po totus is pipius de su mundu.

Simone Cardia

Is amigus

Is amigus chi si tzerriant aici
narant sa beridadi,
ti dònant su coru
e ti còntant sempri totu.
No ti traìxint,
nci fùnt candu tenis abisòngiu,
ti olint beni.
Deu, amigus ndi tengu medas
ma is mellus
tenint impari totus custas calidadis.

Valentina Mallica