Is Sardus, tenendi cùscientzia de ai liberau sa terra insoru de is frantzesus in su 1793, aspetànt cunfiantzosus s’ arriconoscentzia de su rei e de su guvernu piemontesu ma nd’iant tentu pagu e nudda, tandus si funt furriàus e ant fatu a su rei Cincu Preguntas:

1)       a poi acorrai su Parlamentu (no fìant acorramentus de su 1698!);

2)       a poi sighìri a tenni privilegius sa Crèsia e is barònis feudalis;

3)       a poi dònai scéti a is Sardus is traballus tzivilis e militaris in sa terra insoru;

4)       a poi oberri a Torino un Uffitziu poi is Afarius de is Sardus;

5)       a poi oberri a Casteddu unu Cunsillu de Stadu po assisti e billài su Vicerei.

No est chi fèssimus domandendi su celu: si domandàt de essi prus atentus a is abisòngius de is Sardus ma su rei Vittorio Amedeo III no arìcit manc’ una de is preguntas fàtas! Propiu po cussu Gerolamo Pitzolo, Vincenzo Sulis e Giovanni Maria Angioy, un abogàu de Bono chi si fìat meda distinghiu in s’afràcu a is frantzesus, imbìtzant is Sardus a s’avolòtu, chi scòpiat su 28 de abrili 1794, s’annu de s’acciappa, e si spràxit in totu sa Sardigna fintzas a candu s’ultimu de is piemontesus, e su viceri puru, no nci ddus iant bogaus a sonu ‘e corru.  S’innu scritu de su jugi de Ozieri Francesco Ignazio Mannu s’at fatu cumprendi sa tìrria chi tenìant is Sardus contras a is piemontesus:“Su patriotu sardu a sos feudatarios” est unu “cantu de protesta” contras a is feudatarius, oi mellus conotu cument a  “Procurade e Moderare”.