CORU ‘E PIPIU

Is pipius giogant,
cantant, brullant, arriint.
Giogant allirgus,
totus impari a manus pigadas.
Manus biancas, arrùbias, grogas e nieddas.

Coru ‘e pipiu no càstiat colori,
coru ‘e pipiu no càstiat arratza,
no càstiat arrichesa ne poburesa…
coru ‘e pipiu càstiat pipius.

Is pipius giogant,
certant, tzerriant, prangint.
Ma no dura meda,
bastat un’oghiada,
is pipius no timint a domandai perdonu,
e totu paris est totu scadèsciu.

E giogant is pipius
e cantant, brullant, arriint.
Giogant allirgus,
 totus impari a manus pigadas.

Coru ‘e pipiu no tenit malesa,
coru ‘e pipiu no tenit risentimentu.
Is pipius funt àcua de mitza, cristallina;
funt aria frisca apustis chi proit.
Is pipius
funt s’ànima lìmpia de su mundu.

Coru ‘e pipiu est coru bonu.
Coru ‘e pipiu est coru mannu.
Ta lastima ca crescendi
si perdat su coru ‘e pipiu!

 

Classi 5ª A - 5ª B
Anno scolastico 2011/2012