|
Una borta ci fiat una crabittedda chi si zerriada Pilubiancu.
Biviat, impari a is sorris e a su meri, in d’unu coili de Monti
Arcosu.
Pariat una craba comenti a is’atras, ma fiat differenti: no
papada s’erba commenti totus is cabras de custu mundu, ma papada
pistocus cun sa malvasia!
A s’iscuriu, ndi calada de Monti Arcosu finz’e Su Masu, c’intrada
in su “Bar becciu”e pregontada una tassa de malvasia innui c’aciuppada
aintru dus o tres pistocus.
Su meri da statallada d’onnia dì :“ Pilubiancu, depis pappai
s’erba, as cumprendiu?!!”.
Ma Pilubiancu no intendiada.
Una borta fiat torrada a su coili imbriaga che sa supa e su meri
no fiat meda cuntentu…
Ma…cumenti cuminzat a mulliri..ita bidi? De is titas de
Pilubiancu no bessiat lati, bessiat malvasia!!! Su meri d’at
tastata e …fiat malvasia bona deaderus!
Sa noa fiat arribada allestru a Su Masu, aundi biviat unu
giornallista de “S’Unioni Sarda” .
Su giornallista bolìat tirai una fotografia a sa cabra, ma su
meri, allutu, diat nau sceti dus fueddus “Po d’onnia fotografia,
centu euru!”.
Aici, cun sa malvasia e is fotografias de Pilubiancu, su meri
s’est fatu de oru! (…s’est arrichiu meda!).
E imoi ndi calat issu puru a Su Masu impari a sa craba e in su
bar bufant malvasia e papant pistocus, a sa saludi nosta e a sa
de totus!
|
